Qytaıda esektiń súti men terisi nelikten tıimdi bızneske aınaldy

ÚRІMJІ. KAZINFORM — Shyńjań-Uıǵyr avtonomııalyq aýdanyna birneshe salany meńgergen qytaılyq biregeı ferma bar. Týdýntszy fermasynda maqta ósirý, egin sharýashylyǵy men kókónis egistikterinen bólek, alyp qara esektiń túrin ósirý qarqyn alyp keledi.

- Esekti kútip-baǵý qıyn emes. Onyń terisinen dástúrli qytaı dári-dármegin óndirýge qajet ónim alýǵa bolady jáne qazir naryqta osy preparattarǵa joǵary suranys bar. Sonymen qatar, esektiń sútin túrli aýrýǵa shıpa retinde óndiremiz. Sýyq tıip aýyrǵandarǵa taratamyz, sondaı-aq qaterli isikti alýǵa jasalǵan operatsııadan keıin naýqastarǵa beriledi, - deıdi ferma ókilderi.

Bul ujym on jyldan astam ýaqyt esek ósirý sharýashylyǵymen aınalysyp otyr. Qazir ferma sútti qurǵaq untaq kúıinde de satylymǵa shyǵaryp jatyr.

Qytaı fermerleriniń aıtýynsha, jylqy ósirý úshin aýmaǵy úlken jaıylymdar qajet. Bul turǵyda esek sharýashylyǵy qytaı fermerleri úshin tıimdi bızneske aınalyp keledi.

Jalpy, Týdýntszy memlekettik aýyl sharýashylyǵy fermasy 1955 jyly qurylǵan. Ákimshilik jaǵynan Fýkan qalasyna qaraıdy. Sharýashylyqtyń qaramaǵynda sýy men jer qory mol. Mundaǵy negizgi daqyldar – bıdaı, júgeri, maqta, qant qyzylshasy, qarbyz.

Aıta keteıik, Qazaqstanda 1 aıdyń ishinde 307 qytaılyq kompanııa tirkelgen.