Qytaıda eń uzyn aınalma metro jelisi ashyldy
ASTANA. KAZINFORM — Ýhan metropolıteniniń 12-shi jelisi ashyldy, ol Qytaıdaǵy eń uzyn aınalma metro jelisi, dep habarlaıdy Kazinform agenttiginiń Beıjińdegi menshikti tilshisi Xinhua agenttigine silteme jasap.
Aınalma metro jelisiniń uzyndyǵy 59,9 shaqyrym. Ol Ýhandaǵy jeti aýdannyń stansalarynan ótedi jáne 18 qoldanystaǵy jáne josparlanǵan jelilermen baılanysady. Poıyz jeliden shamamen 96 mınýtta júrip ótedi.
Jańa jeliniń ashylýymen Ýhan metropolıteniniń jalpy uzyndyǵy 581 shaqyrymnan asty, bul Berlınnen Mıýnhenge nemese Rımnen Mılanǵa deıingi avtomobıl jolynyń uzyndyǵymen para-par keledi.
Baǵyt ıAntszy ózeniniń astynan eki ret, al Hantszıan ózeniniń astynan bir ret ótedi. Shamamen 4 shaqyrymdyq sý asty týnnelderiniń biri ıAntszy ózeniniń astynan 71,4 metr tereńdikten ótedi.
Buǵan deıin Qytaı álemdegi eń iri keshendi kólik júıesin qalyptastyrǵanyn habarlaǵan edik.
