Qytaıda eki jańa dúnıejúzilik bıosferalyq qoryq tirkeldi
ASTANA. KAZINFORM — Qytaı aýmaǵynda eki jańa dúnıejúzilik bıosferalyq qoryq paıda boldy, dep habarlaıdy «Halyq Gazeti» onlaın basylymy.
ıÝNESKO 27 qyrkúıekte jarııalaǵan kommıýnıkede uıymnyń álemdik bıosferalyq rezervattar jelisine 26 jańa qoryqty tirkegeni atap ótilgen. Olardyń qatarynda Qytaıdyń Іshki Mońǵoldaǵy Datsınshan bıosferalyq qoryǵy men Shensı ólkesindegi Chjoýchjy bıosferalyq qoryǵy bar. Osylaısha dúnıejúzilik bıosferalyq rezervattar jelisindegi jalpy qoryqtar sany 785-ke jetti.
Datsınshan qoryǵy Inshan taý jotasynyń ortalyq bóliginde ornalasqan. Aýmaǵy shamamen 3900 sharshy shaqyrym. Bul óńir bıologııalyq jáne ekojúıesi alýan túrli. Munda joǵary satydaǵy ósimdikterdiń 1200 ge jýyq túri, omyrtqalylardyń 300 túri jáne býynaıaqtylardyń 1800 túri mekendeıdi.
Chjoýchjy bıosferalyq qoryǵy Tsınlın taýynyń soltústik jáne ońtústik betkeıleriniń túıisken tusynda ornalasqan. Aýmaǵy 690 sharshy shaqyrymǵa jýyq, ormanmen qamtylý deńgeıi 96 paıyz. Qoryqta Chınlın pandysy, Sychýan sary sabalaq maımyly, bóken jáne basqa da sırek janýarlar men ósimdik túrleri kezdesedi.
Aıta ketelik Qytaıda álemdegi eń bıik kópir ashyldy.