Qytaıda dron operatorlary mamandyǵynyń tanymaldyǵy artyp keledi
ASTANA. KAZINFORM – Qytaıda tómen bıiktik ekonomıkasy aıasynda ushqyshsyz ushatyn apparattardyń operatory mamandyǵynyń tanymaldylyǵy kún ótken saıyn artyp keledi, dep jazady Sınhýa.
2025 jyldyń shildesinde ushqyshsyz ushý apparattary (BPLA) tobyndaǵy ushý josparlaý jónindegi maman ulttyq kásipter tizimine engizildi. Bul qadam qarqyndy damyp kele jatqan osy salanyń qarqyndy ósýine jaýap boldy. 2024 jyldyń sońyna qaraı elde 2,177 mıllıon dron tirkelgen, alaıda lıtsenzııalanǵan operatorlar sany nebári 247 myń shamasynda boldy.
Ushqyshsyz apparattar ındýstrııasy «tómen bıiktik ekonomıka» dep atalatyn strategııalyq baǵyttardyń biri bolyp sanalady. Bul termın QHR-dyń Búkilqytaılyq halyq ókilderi jınalysynyń sessııasynda usynylǵan úkimettik baıandamada eki ret ataldy. Boljam boıynsha, 2025 jyly bul naryqtyń kólemi 210 mıllıard AQSh dollaryna jetip, al 2035 jylǵa qaraı 490 mıllıard dollarǵa deıin ósýi múmkin. Salanyń negizgi ósý faktorlary — logıstıka, aýyl sharýashylyǵy, geodezııa, kartografııa jáne aeroınspektsııalar bolmaq.
Sala damýyna qaraı ony retteý jumystary da júrip jatyr. 2024 jylǵy qańtarda qabyldanǵan «Ushqyshsyz ushý apparattarynyń (BPLA) ushýyn basqarý ýaqytsha erejeleri» kishi, orta jáne iri drondardy paıdalaný úshin lıtsenzııa alýdy mindetti etti. Bul osy isti oqýǵa degen suranysty arttyrdy. 2025 jylǵy 31 shildedegi málimet boıynsha, elde 3579 oqý uıymy jumys istese, 2024 jyldyń sońynda olardyń sany tek 1343 bolǵan.
Sonymen qatar, mamandandyrylǵan bilim berý júıesi de keńeıip keledi. Qytaıda ushqyshsyz júıeler salasynda mamandar daıyndaıtyn 523 kásibı ýchılışe jáne 31 ýnıversıtette jańa oqý baǵdarlamalary ashylǵan.
Alaıda oqý oryndarynyń sanynyń qarqyndy ósýi birqatar másele týdyryp otyr. Olar: bilikti kadrlardyń jetispeýshiligi, birkelki standarttardyń joqtyǵy jáne kýrstar sapasynyń tómendigi.
Sarapshylar sertıfıkattaý júıesiniń klassıfıkatsııasyn jasaý jáne naqty salalyq qajettilikterge baǵyttalǵan arnaıy baǵdarlamalardy engizý qajettigin erekshe atap ótýde.
Osyǵan deıin Qytaıdyń álemdegi eń iri kún elektr stantsııasyn salyp jatqany týraly jazdyq.