Qytaıda bıotehnologııalyq zerthanada bolǵan jarylystan 5 adam qaza tapty
ASTANA. KAZINFORM – Qytaıdyń soltústigindegi Shansı provıntsııasynda bıotehnologııalyq kompanııanyń sheberhanasynda bolǵan jarylys saldarynan 5 adam qaza tapty, dep habarlaıdy Anadoly.
Jarylystyń sebebi ázirge belgisiz, tergeý júrgizilip jatyr.
Jarylys tańerteń Shýotszoý qalasyna qarasty Shanın ýezinde ornalasqan Jiapeng kompanııasynyń sheberhanasynda bolǵan.
Іzdeý-qutqarý toptary jarylys kezinde sheberhanada jumys istep júrgen bes adamnyń máıitin tapty.
Jarylystyń naqty sebebi áli anyqtalǵan joq, oqıǵa boıynsha tergeý bastaldy.
Qytaıda óndiristik jáne qoıma nysandarynda ınfraqurylymnyń tozýy nemese qaýipsizdik sharalarynyń jetkiliksizdigi saldarynan keıde adam ólimine ákeletin apat bolyp turady.
Sońǵy ret 18 qańtarda Qytaıdyń soltústigindegi Іshki Mońǵolııa avtonomııalyq aýdanyndaǵy Baotoý qalasynda Baogang United Steel memlekettik kompanııasyna tıesili zaýytta bolǵan jarylys nátıjesinde 10 jumysshy qaza tapqan edi.
Aıta ketelik Úndistandaǵy jármeńkede «Tsýnamı» attraktsıony qulap, bir adam mert bolǵan edi.