Qytaıda benzın men dızel otynynyń bólshek baǵasy qymbattaıdy
ASTANA. KAZINFORM — Qytaı Halyq Respýblıkasy Damý jáne reformalar memlekettik komıteti dúısenbi kúni habarlaǵandaı, seısenbiden bastap Qytaıda benzın men dızel otynynyń bólshek baǵasy ósedi.
Sınhýa málimetinshe, bul halyqaralyq munaı naryǵyndaǵy baǵanyń kúrt ósýimen baılanysty.
Komıtet jarııalaǵan málimdemede benzın baǵasy tonnasyna 695 ıýanǵa (shamamen 100,5 AQSh dollary), dızel otyny tonnasyna 670 ıýanǵa qymbattaıtyny aıtylǵan.
Vedomstvonyń baǵalardy monıtorıngteý ortalyǵynyń habarlaýynsha, Shyǵystaǵy jaǵdaı aldaǵy ýaqytta álemdik munaı baǵasynyń tendentsııasyna basty yqpal etetin faktor bolyp otyr.
Qytaıdyń úsh iri munaı kompanııasy – PetroChina, Sinopec jáne CNOOC, sondaı-aq basqa munaı óńdeý kásiporyndary óndiristi tıimdi uıymdastyryp, munaı ónimderiniń turaqty jetkizilýin qamtamasyz etýge jáne memlekettik baǵa saıasatyn qatań saqtaýyna mindettelgen.
Komıtettiń habarlaýynsha, naryqtaǵy tártipti qamtamasyz etý úshin ár óńirdegi tıisti vedomstvolar ulttyq baǵa saıasatyn buzatyn áreketterge qatań sharalar qabyldaýy kerek.
Osydan buryn Qytaıdyń valıýtalyq rezervteri 2026 jylǵy aqpanda aıtarlyqtaı óskeni belgili boldy.
