Qytaı benzın men dızel otynynyń baǵasyn ýaqytsha shektedi
ASTANA. KAZINFORM — Qytaı Halyq Respýblıkasynda benzın men dızel otynynyń bólshek saýda baǵasyna ýaqytsha baqylaý engizildi, dep habarlaıdy Sınhýa.
QHR Memlekettik damý jáne reformalar komıteti halyqaralyq naryqta munaı baǵasynyń kúrt ósýine baılanysty Qytaıda dúısenbiden bastap benzın men dızel otynynyń bólshek saýda baǵasyna ýaqytsha baqylaý sharalary engiziletinin málimdedi.
Vedomstvo málimdegendeı, bul sharalar munaı baǵasynyń kenet ósýiniń saldaryn jumsartýǵa, tutynýshylarǵa túsetin júktemeni azaıtýǵa jáne ekonomıkanyń turaqty jumysyn qamtamasyz etýge baǵyttalǵan.
Memlekettik komıtettiń habarlaýynsha, dúısenbi kúni benzın baǵasy tonnasyna 1160 ıýanǵa (shamamen 168 AQSh dollary), al dızel otyny 1115 ıýanǵa kóteriletin bolady.
Budan buryn Qytaıda adamtárizdi robottar salasynda serpilis jasaý úshin JI derekterin jınaý ortalyqtary keń aýqymda salynyp jatqanyn jazǵan bolatynbyz.
