Qytaıda «Bir beldeý, bir jol» Yntymaqtastyq medıaforýmy ótip jatyr
ASTANA. KAZINFORM – 16 qyrkúıekte Qytaıdyń ońtústigindegi Kýnmın qalasynda (ıÝnnan provıntsııasy) eki kúndik «Bir beldeý, bir jol» Yntymaqtastyq medıaforýmy-2025 óz jumysyn bastady, dep habarlaıdy Kazinform tilshisi.
Forýmdy Búkilqytaılyq halyq ókilderi jınalysy Turaqty komıteti tóraǵasynyń orynbasary Chjen Tszıanban saltanatty túrde ashty. Sondaı-aq QKP provıntsııalyq komıtetiniń hatshysy Van Nıń, QKP OK nasıhat bólimi jetekshisiniń orynbasary Van Gan, «Jenmın Jıbao» gazetiniń prezıdenti ıÝı Shaolıan jáne basqa da jetekshiler quttyqtaý sóz sóıledi.
Forým barysynda «Bir beldeý, bir jol» bastamasynyń halyqaralyq yntymaqtastyqty tereńdetýdegi róli talqylandy. QHR Tóraǵasy Sı Tszınpınniń jaqynda ShYU+ sammıtinde sóılegen sózinde ádildik, teńdik jáne turaqty damýǵa baǵyttalǵan jahandyq basqarýdyń jańa tásilderin usynǵany erekshe atap ótildi.
Іs-sharanyń ózekti taqyryptarynyń biri kólik-logıstıkalyq yntymaqtastyqty damytý boldy. QHR Kólik vıtse-mınıstri Lı ıAn Transkaspıı halyqaralyq kólik baǵytynyń Qytaı-Eýropa baǵytyndaǵy tasymaldaýdy keńeıtýdegi erekshe rólin, ótken jylǵy shildede QR Prezıdenti Qasym-Jomart Toqaev pen QHR Tóraǵasy Sı Tszınpınniń THKB boıymen avtomobıl jáne temirjol qatynasyn iske qosýynyń mańyzdylyǵyn atap ótti.
Forýmǵa Qazaqstan, Qyrǵyzstan, Tájikstan jáne Ózbekstan sııaqty 87 elden, halyqaralyq jáne aımaqtyq uıymdardan 200-den astam sheteldik ókil qatysyp jatyr. Shara jumysyna barlyǵy 165 BAQ jáne mamandandyrylǵan mekeme jumyldyrylǵan.
Forým aıasynda ashylý saltanaty, plenarlyq otyrys, «Bir beldeý, bir jol» elderi arasyndaǵy BAQ yntymaqtastyǵy boıynsha dıalog, taqyryptyq sektsııalyq pikirtalas, «Jibek joly» kommýnıkatsııasy salasynda ekinshi halyqaralyq syılyqty tabystaý rásimi ótti. ASEAN elderi men «10+3» formatyndaǵy (Qytaı, Japonııa, Koreıa Respýblıkasy) BAQ yntymaqtastyǵyna erekshe nazar aýdaryldy.
Sharany «Jenmın jıbao» gazeti, QKP ıÝnnan provıntsııasy komıteti jáne ıÝnnan provıntsııasy Halyq úkimeti uıymdastyrdy. Bıylǵy forýmnyń basty taqyryby – «Órkenıetterdiń ózara baıýyna yqpal etetin BAQ-tyń ortaq jaýapkershiligi».
Buǵan deıin Qazaqstanda elaralyq BAQ-ty damytýǵa arnalǵan «Ortalyq Azııa – Qytaı» medıaforýmy uıymdastyrylǵanyn jazǵan bolatynbyz. Sharada Ortalyq Azııa elderi men Qytaı eli medıa salasy mamandary bas qosyp, pikir almasýǵa múmkindik alǵan.