Qytaıda bambýk ústine jazylǵan kóne kóbeıtý kestesi tabyldy
Hýbeı ortalyq-qytaı provıntsııasynyń Tszınchjoý qalasy aýmaǵyndaǵy qazba jumystary kezinde bambýk taqtaıshaǵa jazylǵan Qytaıdyń kóne kóbeıtý kestesi tabyldy. Kazinform bul týraly Sınhýa agenttigine silteme jasap habarlaıdy.
Ár qytaılyq jasóspirim jattaıtyn kóbeıtý kestesi 2300 jyly paıda bolǵan.
— B.z.d. IV ǵasyrǵa, Chjan kezeńine jatatyn kóbeıtý kestesi Hýnan provıntsııasynan (Ortalyq Qytaı) tabylǵan uqsas nusqadan shamamen júz jyl alda, — dedi mazardy qazý arheologııalyq jobasynyń jaýapty jetekshisi ıAn Kaııýn.
Infraqyzyl skanerleý kómegimen ǵalymdar taqtaıshada mynadaı sózder jazylǵanyn anyqtady:
«Bes ret jeti degen — otyz qosý bes, tórt ret jeti — jıyrma qosý segiz, úsh ret jeti — jıyrma qosý bir».
Mazardan matematıka, ádebıet, mal sharýashylyǵy, medıtsınadan farmatsevtıkaǵa deıingi salalardy qamtyǵan 30 myń ıerogrıfpen jazylǵan myńdaǵan bambýk taqtaısha tabyldy.
Tszıanhan ýnıversıteti Tarıh ınstıtýtynyń dotsenti Tan Tszınnan mundaı kóbeıtý kestesi Soǵysýshy memleketter kezeńinde-aq tanymal bolyp, ony qytaılyq sheneýnikter óndiris pen múlikti esepteý úshin paıdalanǵanyn atap ótti.
