Qytaıda ajyrasyp jatqan erli-zaıyptylar 29 taýyqty teń bólip aldy

ASTANA. KAZINFORM — Qytaıda ajyrasyp jatqan erli-zaıyptylar 29 taýyqty teń bólý úshin bir taýyqty birge jedi, dep habarlaıdy South China Morning Post.

Habarlamada olardyń Sychýan provıntsııasyndaǵy aýylda turatyny jáne fermerlikpen aınalysqany aıtylǵan. Olarda 29 taýyq, 22 qaz jáne eki úırek boldy.
Ajyrasý kezinde bári teń bólinýin qalaǵan erli-zaıyptylarǵa sot eki sheshim usyndy. Bir taýyq úshin erli-zaıyptylardyń bireýi aqsha tólep, baǵyp-qaǵý nemese ony soıyp, birge jeý usynyldy.

Erli-zaıyptylar ekinshi nusqany tańdady.

Eske sala keteıik, Qytaıda kerqulan sany 900-den asqany jaıly jazǵan edik.