Qytaıda avtonaryq qarqyndy ósim kórsetti

ASTANA. KAZINFORM — Qytaıda 2026 jyldyń naýryz aıynda avtokólik óndirisi men satylymy aqpanmen salystyrǵanda aıtarlyqtaı ósti, dep habarlaıdy Sınhýa.

Bul týraly Qytaı avtomobıl ónerkásibi qaýymdastyǵy málimdedi.

Qaýymdastyq derekterine sáıkes, naýryzda 2,92 mln avtokólik shyǵarylyp, 2,9 mln-y satylǵan. Bul kórsetkishter aılyq esepte sáıkesinshe 74,4% jáne 60,6%-ǵa artqan.

Elektr jáne gıbrıd kólikterdi qamtıtyn jańa energııa kózderindegi (NEV) avtokólikter de joǵary ósim kórsetti: óndiris kólemi 1,23 mln, al satylym 1,25 mln-ǵa jetken.

Jalpy, 2026 jyldyń birinshi toqsanynda elde 7,04 mln avtokólik óndirilip, 7,05 mln-y satylǵan. Al NEV segmentinde óndiris 2,97 mln, satylym 2,96 mln boldy.

Chen Shıhýaniń aıtýynsha, ekinshi toqsanda da ósim jalǵasady dep kútilýde. Buǵan treıd-ın baǵdarlamalary, tutynýshylyq suranysty yntalandyrý sharalary jáne aldaǵy Pekın halyqaralyq avtosalony aıasynda jańa modelderdiń tanystyrylýy áser etpek.

Aıta ketelik Qazaqstan men Qytaı birlesken Sýtegi tehnologııalary ortalyǵyn iske qosty.