Qytaıda aýyr atletıkadan Azııa chempıonaty ótedi

ASTANA. KAZINFORM — Qytaıdyń Tszıanshan qalasynda ótetin aýyr atletıkadan Azııa chempıonatynda el namysyn qorǵaıtyn qazaqstandyq sportshylar belgili boldy.

On kúnge sozylatyn qurlyqtyq dodada 200-den astam sportshy jarys jolyna shyǵady. Onyń ishinde 112-i erler, 89-y áıelder arasynda synǵa túsedi.

Qazaqstan aýyr atletıka federatsııasynyń Kazinform aqparat agenttigine usynǵan málimetinshe, el quramasynan 10 mamyrda Vıktor Nadvornyı (67 keli), Sergeı Chýev (67 keli), 11 mamyrda Petro Hrebtov (74 keli), 12 mamyrda Álibek Raqymberdi (81 keli), Asyljan Bektaı (89 keli), Egor Sherer (89 keli) júldelerdi sarapqa salady.

Sondaı-aq 13 mamyrda Araı Nurlybekova (71 keli), Aıanat Jumaǵalı (76 keli), Vıktorııa Novıkova (81 keli), Sergeı Petrovıch (96 keli), Kırıll Staroverkın (96 keli), 14 mamyrda Artem Antropov (102 keli), Aqerke Baımanap (87 keli), 15 mamyrda Lıýbov Kovalchýk (87 keliden joǵary) saıysqa túsedi.

Qurlyqtyq doda erler arasynda 1971 jyldan bastalsa, 1988 jyldan beri qurlyqtyq dodada áıelder saıysqa túsedi. 

1998-2024 jyldar aralyǵynda qazaqstandyq aýyr atletter barlyǵy 25 medal aldy. Onyń ishinde 29-y altyn, 47-i kúmis, 101-i qola medal. 

Eske salsaq, budan buryn qazaqstandyq Ksenııa Prozorova (59 keli) aýyr atletıkadan jasóspirimder arasyndaǵy álem chempıony atandy.