Qytaıda altyndy tutyný 2026 jyldyń birinshi toqsanynda 4,41%-ǵa ósti
ASTANA. KAZINFORM – Qytaıda altyndy tutyný 2026 jyldyń birinshi toqsanynda 4,41%-ǵa ósti. Ósim negizinen altyn quımalary men monetalaryna degen suranystyń artýymen baılanysty, dep habarlady Sınhýa aqparat agenttigi.
Qytaıdyń altyn qaýymdastyǵynyń málimetinshe, eldiń altyn tutynýy qańtar-naýryz aılarynda 303,29 tonnaǵa jetti. Bul rette altyn quımalary men monetalarǵa suranys 46,4%-ǵa ósip, 202,06 tonnany qurady, al zergerlik buıymdarǵa suranys 37,1%-ǵa tómendep, 84,62 tonnany qurady.
Altyndy ónerkásiptik jáne basqa salalarda tutyný 7,43%-ǵa tómendep, 16,61 tonna bolǵan.
Budan basqa, birinshi toqsanda Qytaıda altynnyń qor bırjasynda (ETF) 50,44 tonna kiris tirkeldi, bul ótken jylmen salystyrǵanda 114,88%-ǵa joǵary. ETF kólemi naýryz aıynyń sońyndaǵy jaǵdaı boıynsha 298,29 tonnany qurady.
