Qytaıda alkogolge táýeldilikten aryltý úshin naýqasqa «arnaıy chıp» engiziledi

ASTANA. KAZINFORM - Qytaıdyń Anhoı provıntsııasyndaǵy Fýıan aýrýhanasynda óńirde alǵash ret alkogolge táýeldilikten aryltatyn «arnaıy chıp» engizý boıynsha operatsııa jasaldy, dep jazady China Daily.

«Sergektik chıpi» - elektrondy qurylǵy emes. Ol dárilik preparattar salynǵan kapsýlalar, olar shaǵyn ınvazıvti protsedýralar arqyly engiziledi, dep túsindirdi Fýıannyń Úshinshi halyq aýrýhanasyndyń ókilderi. Bul ádis boıynsha operatsııa 9 sáýir kúni jasalǵan.

Kapsýlalar psıhologııalyq turǵyda adamnyń alkogolge degen tábetin tartyltyp, asqynýyn tejeıdi. Patsıent 20 jyldan astam ýaqyttan beri alkogol tutynyp kelgen 40 jastaǵy er adam boldy.

Fýıan aýrýhanasy jýyrda Qytaıdyń ózge qalalalarynda buryn qoldanylyp kelgen jańa ádisti engizdi, dep jazdy jergilikti BAQ.

Osyǵan deıin QR Іshki ister mınıstrliginiń ókilderi alkogoldi shekten tys paıdalaný — qylmys deńgeıine áser etetin negizgi faktorlardyń biri ekendigin málimdegen bolatyn.