Qytaıda alǵash ret robottar fýtbol týrnırine qatysty
ASTANA. KAZINFORM — Beıjińde robottar arasyndaǵy alǵashqy jarys ótti, dep habarlaıdy Sınhýa.
Senbi kúni Beıjińde Qytaı tarıhynda alǵash ret robottardyń qatysýymen fýtbol týrnıri uıymdastyryldy.
Sınhýa aqparat agenttigi jarııalaǵar sýretterde alańǵa jasyl jáne kúlgin jeıde kıgen robottardy kórýge bolady. Degenmen jarystyń qandaı eseppen aıaqtalǵany habarlanbaǵan.
Bul álem jurtshylyǵyn tańǵaldyryp otyrǵan alǵashqy robottar emes. Buǵan deıin Qytaıdyń Tszıansý provıntsııasyndaǵy robot kompanııasy ózderi ázirlegen Sıaotao esimdi robotty Hanchjoý qalasyndaǵy Manycore Tech Inc kompanııasyna «oqýǵa» jibergeni belgili boldy. Qazir ol áýejaılar, pılotsyz dárihanalar, ıntellektýaldy saqtaý ortalyqtary stsenarıılerindegi tapsyrmalardy sátti oryndaı bastady.
Budan bólek Qytaıda gýmanoıd robottardyń alǵashqy jekpe-jegi ótken edi. Jekpe-jekke qatysqan Unitree G1 kompanııasynyń flagmandyq adam tárizdi robotynyń bıiktigi — 1,32 metr, salmaǵy — 35 keli. Ol jetildirilgen esepteý qýatymen jáne birqalypty qozǵalysty basqarýmen jabdyqtalǵan.
Sonymen qatar sáýirde Beıjińde robottardyń marafony uıymdastyrylǵanyn jazǵanbyz.