Qytaıda alǵash ret robot kómegimen júrek transplantatsııasy jasaldy
ASTANA. KAZINFORM — Qytaı dárigerleri 67 jastaǵy naýqastyń tós súıegin kespeı-aq, robottyń kómegimen eldegi alǵashqy júrek transplantatsııasyn sátti jasady, dep habarlaıdy Kazinform agenttiginiń Qytaıdaǵy menshikti tilshisi China Daily basylymyna silteme jasap.
Sıan Tszıaotýn ýnıversıtetiniń Birinshi klınıkalyq aýrýhanasynda jasalǵan bul operatsııa álemde osyndaı ádispen oryndalǵan úshinshi operatsııa boldy. Jańa tásil júrek aýrýynyń sońǵy satysyndaǵy naýqastarǵa keýde qýysyn ashpaı emdeýdiń qaýipsiz jolyn usynady.
Hırýrgter qabyrǵalardyń arasynan 8 santımetrlik tilik jasap, robot manıpýlıatorlaryna arnalǵan taǵy eki tesik ashqan. Osylaısha tós súıegin 20 santımetrge deıin tilip, kóp qan joǵaltýdyń aldyn alǵan. Sondaı-aq 3D-vızýalızatsııa kómegimen robotty basqaryp, zaqymdanǵan júrekti alyp, ornyna donorlyq júrek salǵan.
Bólim meńgerýshisi ıAn ıAnnyń aıtýynsha, robot manıpýlıatorlary adam qolyna qaraǵanda dálirek qımyldap, aýrý tarıhy kúrdeli naýqastarda ınfektsııa juqtyrý qaýpin aıtarlyqtaı tómendetedi.
Transplantologııada robottardy qoldaný álemdik tájirıbede áli de eksperımenttik deńgeıde qalyp otyr. Buǵan deıin mundaı operatsııalar 2024 jyly Saýd Arabııasynda, 2025 jyly AQSh-ta jasalǵan. Jańa tehnologııa jasy ulǵaıǵan nemese qosymsha aýrýlaryna baılanysty operatsııa jasaýǵa kelmeıtin naýqastarǵa hırýrgııalyq em alýǵa múmkindik beredi.
— Naýqastyń júrek qyzmeti tolyq qalpyna keldi. Biz oǵan kúndelikti fızıkalyq jáne kardıo ońaltý arqyly kúshin birtindep qalpyna keltirýge kómektesemiz. Naýqas bir-eki aıdan keıin qalypty ómirge oralady, — dep atap ótti Sıan aýrýhanasynyń júrek-qan tamyrlary hırýrgııasy bólimi dırektorynyń orynbasary Lı ıÝnsın.
Buǵan deıin Qytaılyq oftalmologtar 4200 km qashyqtyqtan ota jasaǵanyn habarlaǵan edik.
