Qytaıda alǵash ret robot doktorantýraǵa oqýǵa qabyldandy

ASTANA. KAZINFORM — Qytaıda alǵash ret gýmanoıd robot doktorantýraǵa qabyldandy. Ol «drama jáne kıno» mamandyǵy boıynsha oqıtyn bolady, dep jazdy South China Morning Post basylymy.

Xueba 01 atty robot Qytaıdaǵy jetekshi óner oqý oryndarynyń biri — Shanhaı teatr akademııasyna (STA) qabyldandy. Ol doktorantýra baǵdarlamasy aıasynda dástúrli qytaı operasyn tereńdetip zertteıdi. Sabaqtar 14 qyrkúıekte bastalady. Oqytý quny jarııalanǵan joq.

🤖🎭 Robot. Student. PhD.

Meet “Xueba-01” — a next-gen robot with embodied intelligence, freshly admitted as a doctoral student in Drama and Film at the Shanghai Theatre Academy. Yes, you read that right — this robot is officially part of the Class of 2025.

Developed by Prof.… pic.twitter.com/yONggDEV5O

— Jimu Focus (@jimuglobal) July 29, 2025

Bul robototehnıka salasyndaǵy doktorantýra baǵdarlamasy — óner men tehnologııany biriktirýge baǵyttalǵan ǵylymı jobanyń bir bóligi.

Robottyń sıpattamasy:

• Bıiktigi: 1,75 metr

• Salmaǵy: shamamen 30 keli

• Syrtqy kelbeti: sılıkon terisi bar symbatty er adamǵa uqsaıdy

• Kıimi: kózildirik, kóılek jáne shalbar

• Tili: adamdarmen qytaı tilinde sóılesedi

Robot doktoranttarmen birge operalyq qoıylymdardy daıyndyqta jasap, sabaqtarǵa qatysyp otyrady.

Burynǵy jetistigi:

Xueba 01-diń aldyńǵy nusqasy dúnıejúzindegi alǵashqy gýmanoıd jartylaı marafonynda úshinshi oryn alǵan.

Qoǵamdyq reaktsııa:

Jańalyq áleýmettik jelilerde qyzý talqyǵa tústi.

— Xueba 01 — adam men robot arasyndaǵy qatynastarda mańyzdy mıssııany óz moınyna aldy. Biz aqyry robottarmen birge ómir súrip, birge bilim alatyn deńgeıge jettik. Onyń joly bolsyn!, — dep bir qoldanýshy jazdy.

Alaıda skeptıkalyq kózqaras bildirgen de boldy.

— Ónerge ómirlik tájirıbe kerek. Algorıtmmen basqarylatyn robottyń týyndylary adamdardyń júregine shynaıy áser ete almaıdy, — dep jazdy basqa qoldanýshy.

Aıta keteıik, buǵan deıin gýmanoıd robottyń Dýbaıda joldan júgirip ótken vıdeosy áleýmettik jelilerde vırýsqa aınalǵan bolatyn.