Qytaıda alǵash ret operatorlarǵa pılotsyz ushatyn apparattardy paıdalanýǵa ruqsat berildi
ASTANA. KAZINFORM - Qytaılyq retteýshi organdar alǵash ret birqatar jergilikti kompanııalarǵa pılotsyz ushatyn apparattardy kommertsııalyq turǵyda paıdalaný úshin lıtsenzııalar berdi. Bul týraly «Itsaı Global» basylymy málimdedi, dep habarlaıdy Kazinform agenttiginiń menshikti tilshisi.
Lıtsenzııa jergilikti áýe tasymaly qyzmetine mamandanǵan bir kompanııaǵa aqyly qyzmetter kórsetýge múmkindik beredi. Bul qyzmetterge tómen bıiktiktegi sholý ekskýrsııalary men jolaýshylardy tasymaldaý kiredi. Ol úshin EH216-S dep atalatyn jolaýshylarǵa arnalǵan pılotsyz ushatyn apparat qoldanylady.
EH216-S – ushý jaramdylyǵy sertıfıkatyna ıe bolǵan pılotsyz áýe kóligi. Ol eki jolaýshyny 130 km/saǵ jyldamdyqpen jáne 35 shaqyrym qashyqtyqqa deıin tasymaldaı alady.
Buǵan deıin Tesla pılotsyz taksılerin operatorlar basqaratyn bolady dep habarlanǵan edi.
Aıta ketelik Jaslan Mádıev pılotsyz kólik jobalarynyń avtorlaryna erekshe quqyqtyq rejım berýdi usynǵan edi.