Qytaıda alǵash ret adam men robot marafony ótedi

ASTANA. KAZINFORM - Jarysqa onǵa jýyq adam tárizdi robottar qatysady dep, dep habarlaıdy South China Morning Post.

Sáýir aıynda Beıjińde adam tárizdi robottar qatysatyn jartylaı marafon ótedi. Bul oqıǵa Qytaıdyń AQSh-pen tehnologııalyq básekelestikte eldiń pozıtsııasyn nyǵaıtýǵa baǵyttalǵan jasandy ıntellekt pen robototehnıkany damytýǵa, sondaı-aq qoǵamnyń qartaıýy men bala týý deńgeıiniń tómendeýine baılanysty problemalardy sheshýge baǵyttalǵan. 

E-Town dep atalatyn Beıjiń ekonomıkalyq jáne tehnologııalyq aımaǵynyń málimeti boıynsha, jarysqa 12 000-ǵa jýyq adam qatysady, 20-dan astam kompanııanyń robottary olarmen 21 shaqyrym qashyqtyqta júgiredi. 

Úzdik úshtikke júlde beriledi. 

E-Town málimdemesinde álemniń túkpir-túkpirinen túrli kompanııalar, ǵylymı-zertteý ınstıtýttary, robototehnıka klýbtary jáne ýnıversıtetter marafonǵa qatysýǵa shaqyrylatyny aıtylǵan. 

Jalǵyz talap - robottardyń adamǵa uqsaýy jáne eki aıaqpen júrý nemese dóńgelekterdi paıdalanbaı júgirý sııaqty qozǵalystardy oryndaýǵa qabiletti mehanıkalyq qurylymy bolýy kerek.

Qashyqtan basqarylatyn jáne tolyq avtonomdy robottardyń qatysýyna ruqsat etiledi. Jarys kezinde batareıalardy aýystyrýǵa ruqsat etiledi.

El adam tárizdes robottar ekonomıkalyq ósimdi arttyrýǵa jáne AQSh-pen tehnologııalyq básekelestikte óz pozıtsııasyn nyǵaıtýǵa arnalǵan negizgi sektorlardyń biri dep biledi.

Qytaıdyń tez qartaıýy qart adamdarǵa, sonyń ishinde emotsıonaldy serikterge, densaýlyqty baqylaýǵa jáne turmystyq qyzmetterge qoldaý kórsetý úshin robot paıdalanýdy yntalandyrady.

Qytaı sonymen qatar 2024 jyly el turǵyndarynyń sany úshinshi jyl qatarynan qysqaratyn jumys kúshine daıyndyq úshin zaýyttarda jáne basqa jumys protsesterinde robottar qoldanýdy zerttep jatyr.

Buǵan deıin Qytaı ónerkásiptik robottardyń álemdegi eń iri naryǵy bolyp qala beretini habarlanǵan bolatyn.