Qytaıda álemdegi eń iri qadaly negiz qaǵatyn keme paıdalanýǵa berildi

ASTANA.KAZINFORM — Qytaıdyń shyǵysyndaǵy Tszıansý provıntsııasynda álemdegi eń iri qadaly negiz qaǵatyn keme paıdalanýǵa berildi. Bul týraly Kazinform agenttiginiń menshikti tilshisi Xinhua agenttigine silteme jasap habarlady. 

China Railway Construction Bridge Engineering Group Co., Ltd kompanııasynyń bólimshesi salǵan jáne qarjylandyrǵan kemeniń uzyndyǵy 130,5 metr, eni 40,8 metr. Tehnıkalyq sıpattamalary 700 tonnaǵa deıingi salmaqtaǵy jáne dıametri 7 metrge deıingi qadaly irgetastardy 70 metrge deıingi tereńdikte ornatýǵa múmkindik beredi.

Qondyrǵynyń negizgi erekshelikteriniń biri – dınamıkalyq pozıtsııalaý júıesi. Bul júıe qadalardy qaǵý kezinde santımetrlik dáldikke qol jetkizýge múmkindik beredi, bul kúrdeli geometrııaly nysandar úshin asa mańyzdy.

Joba iri teńiz kópirlerin, teńizdegi jel elektr stantsııalaryn, porttar men aılaqtardy salyp jatyr, sondaı-aq el ishinde jáne shetelde tereńsýly ınjenerlik nysandardy júzege asyrýda joǵary tehnologııalyq qoldaý kórsetýge baǵyttalǵan.

Jaqyn ýaqytta keme Latyn Amerıkasyndaǵy eń iri teńiz aspaly kópiriniń qurylysyna qatysý úshin Brazılııaǵa bet alady.

Buǵan deıin Qytaı tereńsýly zertteýlerge arnalǵan qalqymaly «aral» salyp jatqany habarlanǵan edi.