Qytaıda álemdegi eń qýatty gıpergravıtatsııalyq tsentrıfýga iske qosyldy

ASTANA. KAZINFORM —  Qytaıda Jerdiń tartylys kúshinen 300 ese artyq gıpergravıtatsııa týdyra alatyn álemdegi eń qýatty tsentrıfýga iske qosyldy, dep habarlaıdy Sınhýa. 

Dúısenbi kúni Qytaıda Jerdiń tartylys kúshinen 300 ese artyq gıpergravıtatsııany týdyrýǵa qabiletti eń qýatty tsentrıfýga paıdalanýǵa berildi.

CHIEF1300 kodtyq ataýǵa ıe qondyrǵy Shyǵys Qytaıdaǵy Chjetszıan provıntsııasynyń ákimshilik ortalyǵy Hanchjoý qalasynda salynyp jatqan gıpergravıtatsııa jáne pánaralyq zertteýlerge arnalǵan tsentrıfýga kesheniniń negizgi quramdas bólikteriniń biri.

Bul qurylǵy tereń teńiz jáne Jer qoınaýyndaǵy resýrstardy ıgerý, tabıǵı apattardyń aldyn alý jáne zardaptaryn joıý, jer astynda qaldyqtardy kádege jaratý, sondaı-aq jańa materıaldar sıntezdeý sekildi ozyq zertteýlerde qoldanylýy múmkin.

Aıta ketelik Qytaı halyqaralyq tsıfrlyq ıýan ortalyǵyn ashqan edi.