Qytaıda álemdegi alǵashqy ıntellektýaldy transmıssııalyq elektrondy mıkroskop jasaldy
ASTANA. KAZINFORM — Beıjińde avtonomdy jumys isteı alatyn álemdegi alǵashqy «ıÝanıan-1» ıntellektýaldy transmıssııalyq elektrondy mıkroskop júıesi tanystyryldy. Jobany Qytaı ǵylym akademııasy janyndaǵy Dalıan hımııalyq fızıka ınstıtýtynyń ǵalymdary ázirlegen, dep habarlaıdy BelTA.
Júıe úlgini ornalastyrý, beıneleý jáne derekterdi óńdeý sııaqty taldaýdyń barlyq kezeńin tolyq avtomattandyrylǵan rejımde, adam qatysýynsyz oryndaıdy. Bul mıkrodúnıeni anaǵurlym dál ári kórneki zertteýge múmkindik beredi.
Transmıssııalyq elektrondy mıkroskoptar jańa materıaldardy ázirleý, energetıka, hımııalyq ınjenerııa jáne bıologııa ǵylymdary úshin negizgi quraldardyń biri sanalady. Alaıda júz jylǵa jýyq ýaqyt boıy mundaı qurylǵylar qolmen basqarylyp keldi, bul jumys tıimdiliginiń tómen bolýyna, nátıjelerdiń sýbektıvtiligine jáne sandyq taldaý júrgizýdegi qıyndyqtarǵa ákelgen.
Osy máselelerdi sheshý úshin ǵalymdar Qytaı ǵylym akademııasy janyndaǵy Shenıan avtomattandyrý ınstıtýtynyń zertteýshilerimen birlesip jumys istedi. Olar ıntellektýaldy mıkroskopqa arnalǵan tolyq avtonomdy qabyldaý, taldaý jáne basqarý algorıtmderin ázirledi.
Joba barysynda bes negizgi tehnologııalyq mindet sheshildi: joǵary vakýým jaǵdaıynda úlgilerdi ıntellektýaldy tasymaldaý, optıkalyq keskindi avtonomdy retteý, nanometrlik nysandarǵa dál baǵyttalý, naqty ýaqyt rejıminde sýretterdi avtonomdy túrde alý jáne taldaý, sondaı-aq barlyq ishki júıelerdiń jumysyn úılestirý.
Aıta keteıik, Qytaıda jol qozǵalysyn retteıtin robottar paıda boldy.
