Qytaıda adam saýdasyna qatysty qylmystar 78%-ǵa azaıdy
ASTANA. KAZINFORM — Qytaıdyń Joǵarǵy halyq soty málimetinshe, 2025 jyly mundaı qylmystar sany 2012 jylǵy eń joǵary kórsetkishpen salystyrǵanda 77,95 paıyzǵa azaıǵan, dep habarlaıdy Sınhýa.
Bul atalǵan quqyq buzýshylyqtardyń edáýir deńgeıde tejelgenin kórsetedi.
Kóptegen jyldar boıy Qytaı sottary adam saýdasyna qarsy qatań sharalar qabyldap keledi. Qylmyskerlerge qatań jaza taǵaıyndaýmen qatar, urlanǵan áıelder men balalardy «satyp alý» faktilerin de toqtatýǵa erekshe nazar aýdarylǵan. Bul suranysty azaıtý arqyly qylmystyń aldyn alýǵa baǵyttalǵan.
Eger «saýda qurbany» bolǵan adamdarǵa qatysty zorlaý, densaýlyqqa qasaqana zııan keltirý, zańsyz qamaý nemese qatygezdik kórsetý sııaqty qosymsha qylmystar jasalsa, kináliler zań boıynsha birneshe qylmys úshin qatar jazaǵa tartylady.
Sondaı-aq, Qytaı sottary týý týraly kýálikterdi, neke qujattaryn, turǵylyqty tirkeý qujattaryn qoldan jasaý nemese zańsyz berý sııaqty adam saýdasyna baılanysty zańsyz árekettermen de kúresti kúsheıtken.
Adam urlaý men satý Qytaı qoǵamyndaǵy eń aýyr ári jıirkenishti qylmystardyń biri sanalady. Mysaly, ıÝı Hýaın esimdi áıel 20 jyl ishinde 17 balany urlap, satqan úshin 2024 jyly ólim jazasyna kesilip, 2025 jyly úkim oryndaldy. Bul is elde úlken qoǵamdyq rezonans týdyrdy.
Onyń qurbandarynyń biri — ıAn Nıýhýa bes jasynda urlanǵan. Ol 31 jasynda DNQ saraptamasynyń kómegimen óz bıologııalyq otbasyn tapqanymen, ata-anasy ol kezde qaıtys bolyp ketken edi. Sol sebepti ol bala kezinde aıyrylǵan otbasymen qaıta qaýysha almady.
Budan buryn Qytaıda energetıkalyq kompanııanyń burynǵy basshysy ólim jazasyna kesilgeni belgili boldy.