Qytaıda 8 myń metrlik uńǵymany burǵylaý aıaqtaldy
ASTANA. KAZINFORM — Qytaı Shyńjań-Uıǵyr avtonomııalyq aýdanyndaǵy Taklamakan shóliniń soltústiginde tereńdigi 8345 metrge jetken «Chjentan-1» uńǵymasyn burǵylaýdy aıaqtady, dep habarlaıdy Kazinform agenttiginiń Beıjińdegi menshikti tilshisi CGTN arnasyna silteme jasap.
Bul — osy qytaılyq qondyrǵymen burǵylanǵan ekinshi asa tereń uńǵyma. Qondyrǵynyń ózi 12 000 metrge deıin uńǵyma burǵylaýǵa arnalǵan.
Uńǵyma soltústik-batys Tarım basseıninde tereńde jatqan munaı-gaz kenishterin baǵalaýǵa arnalǵan.
Qondyrǵy 82 metrlik bolat munaramen, 6000 at kúshi bar burǵylaý shyǵyrymen jabdyqtalǵan, 900 tonna kótere alady. Basqarý júıesi burǵylaý jumystaryn avtomattandyrýǵa múmkindik beredi.
Qytaı óziniń burǵylaý qondyrǵysyn jasaǵannan keıin 10 000 metrden tereń uńǵymalardy burǵylaýǵa arnalǵan ımporttyq jabdyqtarǵa táýeldilikten aryldy.
Buǵan deıin Qytaıdyń «Mensıan» muhıttyq burǵylaý kemesi Ońtústik Qytaı teńizinde shamamen 5 myń metr tereńdikke deıin burǵylap, eldiń ulttyq rekordyn jańartqan.
Qytaıda teńiz astyndaǵy eń uzyn avtojol týnnelin qazý aıaqtaldy.
