Qytaıda 7 baldyq jer silkinisi boldy
ASTANA. KAZINFORM—Qytaıdyń Tıbet avtonomııalyq regıonynyń Nagchý qalasyna qarasty Batsın ýezinde 7 baldyq jer silkinisi boldy, dep habarlaıdy Lianhe Zaobao basylymy.
Qytaıdyń seısmıkalyq stansalar jelisi niń resmı málimetine sáıkes, jergilikti ýaqyt boıynsha 22 qazan kúni saǵat 22:33-te Tıbet avtonomııalyq regıonynyń Nagchý qalasyna qarasty Batsın ýezinde (soltústik endik 32,40 gradýs, shyǵys boılyq 93,79 gradýs) magnıtýdasy 7,0 bolatyn jer silkinisi tirkeldi. Jer silkinisiniń oshaǵy 10 shaqyrym tereńdikte ornalasqan.
Bul zilzala — Qytaıda jyl basynan beri tirkelgen eń qýatty dúmpý. Buǵan deıin Qytaıda magnıtýdasy 7 baldan asatyn jer silkinisi sońǵy ret 2024 jylǵy 23 qańtarda Shyńjańnyń Úshturpan ýezinde tirkelgen edi.
Qytaıdyń Seısmologııalyq basqarmasy saǵat 23:31-de ekinshi deńgeıli tótenshe jaǵdaı rejımin iske qosty.
Eske salaıyq, Reseı men Qytaı Marsty zertteýge arnalǵan birlesken mıssııa aıasynda ǵylymı aspaptar men tehnıkany ázirleıdi.
