Qytaıda 5G jelisin paıdalanýshylar sany 1 mlrd-tan asty
BEIJІŃ. KAZINFORM – Qytaıda besinshi býyn uıaly baılanys jelisiniń mıllıardtan astam paıdalanýshysy bar. Buǵan China Mobile, China Unicom jáne China Telecom úsh negizgi baılanys operatorlarynyń esepteri dálel, dep habarlaıdy Kazinform menshikti tilshisi.
Qytaıdyń telekommýnıkatsııalyq kompanııalary jasandy ıntellekt, «tómen bıiktik ekonomıkasy» jáne spýtnıktik ınternet sııaqty perspektıvaly kommýnıkatsııa salalarynda ǵylymı-zertteý jáne tájirıbelik-konstrýktorlyq jumystarǵa shyǵyndardy aıtarlyqtaı arttyrdy. Sonyń ishinde jasandy ıntellekt úshin negiz bolatyn ınfraqurylym – esepteýish qýat jelisi mańyzdy oryn alyp otyr.
«Itsaı global» málimetine sáıkes, China Mobile ıntellektýaldy esepteý qýatynyń aýqymy qazirdiń ózinde 19,6 eksaflopsqa (exaFLOP) jetti.
China Telecom-nyń ıntellektýaldy esepteý qýaty 21 ekzaflopsty quraıdy, taǵy bir operator China Unicom 10 ekzaflops syıymdylyǵymen qosymsha aqparat ortalyqtaryn salyp jatyr.
Qytaıdyń ıntellektýaldyq esepteý qýaty 2027 jylǵa qaraı 1117 ekzaflopsqa jetedi dep shamalanady.
Buǵan deıin QHR «ıAogan-43» qashyqtan zondtaý spýtnıkteriniń kezekti ushyrylymyn júzege asyrǵany týraly jazǵan bolatynbyz.
