Qytaıda 5,9 baldyq jer silkinisi boldy
Beıjiń ýaqytymen senbi kúni saǵat 08:46-da Sızan avtonomııalyq aýdanyndaǵy (Ońtústik-Batys Qytaı) Nagchý qalasynda - Nıma okrýginde magnıtýdasy 5,9 bolatyn jer silkinisi boldy. Bul týraly Sınhýa agenttigi Qytaıdyń seısmologııalyq jeliler ortalyǵyna silteme jasap habarlaıdy.
Vedomstvonyń málimetinshe, jer silkinisiniń oshaǵy soltústik endiktiń 34,14 gradýsy men shyǵys boılyqtyń 86,36 gradýsynyń koordınatasynda ornalasqan. Gıpotsentr 8 km tereńdikte jatqan.
Jer silkinisiniń oshaǵy Nıma okrýginen 275 shaqyrym jáne Lhasa avtonomııalyq aımaǵynyń ákimshilik ortalyǵynan 672 shaqyrym jerde - elsiz aımaqta ornalasqandyqtan, Nıma okrýginiń ortalyǵynda aıtarlyqtaı jer asty dúmpýleri sezilmedi.
Aýdandyq tótenshe jaǵdaılar basqarmasynyń málimetinshe, jer silkinisi bolǵan aımaqqa dalalyq zertteý jumystaryn júrgizý úshin tıisti qyzmetkerler jiberildi.
Ázirge zardap shekkender men materıaldyq shyǵyn týraly aqparat túsken joq.
