Qytaıda 550 myń «sý pandasy» shabaǵy tabıǵı ortaǵa jiberildi

ASTANA. KAZINFORM — QHR Aýyl sharýashylyǵy jáne aýyl isteri mınıstrliginiń málimetinshe, qoldan ósirilgen shamamen 550 myń qytaı bekiresiniń shabaǵy senbi kúni eldiń ártúrli óńirlerindegi ózenderge jiberilgen, dep habarlaıdy Sınhýa.

Shabaqtardy sý aıdyndaryna jiberý sharalary Hýbeı provıntsııasyndaǵy Tszınchjoý jáne Ichan qalalarynda, sondaı-aq eldiń shyǵysyndaǵy Shanhaı qalasynyń Chýnmın aýdanynda bir mezgilde ótti.

Іs-shara barysynda mamandar men qytaı bekiresiniń gendik qoryn saqtaý jáne qoldan ósirýmen aınalysatyn uıymdardyń ókilderi pikir almasyp, bul sırek túrdi qorǵaý jáne qoldan kóbeıtý tehnologııalaryn talqylady.

Qytaı bekiresi memleket tarapynan erekshe qorǵalatyn sý janýarlary sanatyna jatady jáne ıAntszy ózeni ekojúıesiniń negizgi túrleriniń biri bolyp sanalady. Bul balyq túrin tabıǵı ortaǵa jiberý kólemin arttyrý — onyń tabıǵı kóbeıýin qalpyna keltirý jáne jabaıy popýlıatsııasyn qaıta qalyptastyrýdaǵy mańyzdy qadam.

«Sý pandasy» atalyp ketken qytaı bekiresi Jer betinde 140 mıllıon jyldan astam ýaqyttan beri tirshilik etip keledi. Alaıda HH ǵasyrdyń sońynda adam áreketiniń saldarynan ıAntszy ózenindegi bul túrdiń sany kúrt azaıǵan.

Sońǵy jyldary Qytaı bekireni saqtaý baǵytynda aýqymdy sharalar qabyldady. Olardyń qatarynda qoldan ósirý men tabıǵatqa jiberý jumystaryn keńeıtý, sondaı-aq tabıǵı kóbeıýin yntalandyrý bar.

Mınıstrlik málimetinshe, aldaǵy ýaqytta qoldan ósiriletin shabaqtardyń sany men sapasyn arttyrý, olardy tabıǵı ortaǵa keń kólemde jiberý jáne jabaıy popýlıatsııany qalpyna keltirý jumystary kúsheıtiledi.

Budan buryn Atyraýda Jaıyq ózenine bekireniń 2,1 mln shabaǵy jiberilgenin jazǵanbyz.