Qytaıda 5 600-den astam qarjy uıymy jumysyn toqtatty

ASTANA. KAZINFORM — Resmı málimetterge sáıkes, beısenbi kúni jarııalanǵan aqparat boıynsha, 2024 jyldan bastap Qytaıda zań talaptaryn saqtamaıtyn 5 600-den astam qarjy uıymy jabylǵan, dep habarlaıdy Sınhýa.

QHR Memlekettik qarjy retteý basqarmasynyń derekterine qaraǵanda, 2025 jyldyń jeltoqsan aıynyń sońyna qaraı Qytaıdaǵy alty sanattaǵy jergilikti qarjy uıymdarynyń sany jyldyq esepte 26%-ǵa qysqarǵan. Bul tarıhı maksımýmnan 55%-ǵa tómen kórsetkish bolyp otyr.

Olardyń qataryna alty sanattaǵy uıymdar kiredi: mıkroqaryz berý kompanııalary, qarjylyq kepildikter usynatyn kompanııalar, nesıe beretin mekemeler (lombardtar), qarjylyq lızıng kompanııalary, kommertsııalyq faktorıng kompanııalary jáne jergilikti aktıvterdi basqarý kompanııalary.

2024 jyldan bastap Qytaı jergilikti alty sanattaǵy qarjy uıymdarynyń jaǵdaıyn túzetý boıynsha belsendi áreket jasap, talaptardy oryndamaǵan, baılanys ornatý múmkin bolmaǵan, «is júzinde qyzmeti joq kompanııa» retinde áreket etken nemese normatıvtik aktilerdi eleýli túrde buzǵan mekemelerdi joıyp, naryqtaǵy buzýshylyqtarǵa qatań sharalar qoldanyp jatyr.

Buǵan deıin Eýropalyq odaqqa Qytaıdan ákelingen avtokólikter kólemi alǵash ret Eýropanyń Qytaıǵa eksporttaǵan avtokólikterinen asyp túskenin jazǵan bolatynbyz.