Qytaıda 4,9 magnıtýdaly jer silkinisi tirkeldi
ASTANA. KAZINFORM — Búgin, 20 qazan kúni Qytaıda 4,9 magnıtýdaly jer silkinisi tirkeldi, dep habarlaıdy Kazinform Qazaqstan ulttyq derekter ortalyǵyna silteme jasap.
Qazaqstan Respýblıkasy Ulttyq ıadrolyq ortalyǵy Geofızıkalyq zertteýler ınstıtýtynyń Qazaqstandyq derekter ortalyǵynyń jedel málimetine sáıkes, dúmpý Astana ýaqytymen 05:56-da (Grınvıch ýaqytymen 00:56) tirkelgen.
Jer silkinisiniń epıtsentri soltústik endiktiń 41,01 gradýsy men shyǵys boılyqtyń 84,09 gradýsy aralyǵynda ornalasqan. Jer silkinisiniń magnıtýdasy 4,9-dy, al oshaǵynyń tereńdigi 17 shaqyrymda boldy.
Buǵan deıin magnıtýdasy 4,9 bolatyn jer silkinisi Tájikstanda tirkelgen bolatyn.
Qazaqstanda bıyl 1 myńnan astam jer silkinisi tirkeldi.
