Qytaıda 450 mln ıýan kólemindegi tutynýshylyq vaýcherler taratylady
ASTANA. KAZINFORM — Qytaıda jazǵy demalys kezeńinde jalpy somasy 450 mln ıýan bolatyn tutynýshylyq vaýcherler beriledi, dep habarlaıdy Sınhýa.
Qytaıda sársenbi kúni jazǵy demalys kezeńinde mádenıet jáne týrızm salasyndaǵy tutynýdy yntalandyrý naýqany bastaldy. Onyń aıasynda jalpy somasy 450 mln ıýanǵa (shamamen 66 mln AQSh dollary) tutynýshylyq vaýcherler beriledi.
QHR Mádenıet jáne týrızm mınıstrligi uıymdastyrǵan jalpyulttyq naýqan óńirlerde jergilikti erekshelikterge negizdelgen mádenı-týrıstik is-sharalardy ótkizýdi jandandyrýǵa, tıisti ónimder men qyzmetterdiń sapasyn arttyrýǵa jáne halyqty jazǵy demalys kezinde saıahattaýǵa yntalandyrýǵa baǵyttalǵan.
Shilde aıynyń basynan tamyz aıynyń sońyna deıin el boıynsha jazǵy saıahattarǵa, jaǵajaı demalysyna, túngi týrızmge, krýızder men tanymdyq týrlarǵa arnalǵan 30 myńnan astam is-shara ótkizý josparlanyp otyr.
Qytaıdyń Mádenıet jáne týrızm mınıstrligi basqa da quzyrly vedomstvolarmen birlesip, týrıstik anyqtamalyqtar shyǵarýdan bastap jeńildikti qarjylyq saıasatqa deıingi birqatar qoldaý sharalaryn ázirledi.
Naýqannyń ashylý saltanaty sársenbi kúni Qytaıdyń soltústik-batysyndaǵy Tsınhaı provıntsııasynyń Haıbeı-Tıbet avtonomııalyq okrýginde ótti.
Budan buryn habarlanǵandaı, Qytaı Gýansı-Chjýan avtonomııalyq aýdanyndaǵy tabıǵı apattan zardap shekkenderge qosymsha gýmanıtarlyq kómek bóldi.
