Qytaıda 14 shaqyrymdyq joǵary jyldamdyqty sýasty temirjol jelisi salyndy
ASTANA. KAZINFORM – Qytaıda ıAntszy ózeniniń astymen ótetin uzyndyǵy 14 shaqyrymnan asatyn joǵary jyldamdyqty temirjol tonneliniń sýasty bóliginiń qurylysy aıaqtaldy, dep habarlaıdy SCMP.
El temirjol jelisin keńeıtý úshin jerasty tonnelderin belsendi túrde paıdalanyp keledi.
Memlekettik CCTV telearnasynyń málimetinshe, Qytaıdaǵy eń iri ózenniń astymen ótetin bul tonnel Shanhaıdaǵy Chýnmın aralyn kórshiles Tszıansý provıntsııasyndaǵy Taıtsan qalasymen baılanystyrady.
Tonnel uzyndyǵy shamamen 2 myń shaqyrym bolatyn joǵary jyldamdyqty temirjol jelisiniń quramyna enedi. Bul jeli Qytaıdyń shyǵys jáne ortalyq aglomeratsııalaryn, Sychýan provıntsııasyndaǵy Chendý qalasyna deıin jalǵaıdy.
Jobaǵa salynǵan ınvestıtsııa kólemi qazirdiń ózinde 500 mlrd ıýannan asty, bul 72 mlrd dollardan kóp qarjyǵa teń.
Jospar boıynsha joba tolyqtaı jyl sońyna deıin aıaqtalady.
Bul baǵytta júretin poıyzdar saǵatyna 350 shaqyrymǵa deıin jyldamdyqpen qatynaı alady, bul el qalalary arasyndaǵy jol júrý ýaqytyn edáýir qysqartýǵa múmkindik beredi.
Buǵan deıin uzyndyǵy 22,13 shaqyrym bolatyn «Tıanshan Shenlı» tonneli Sıntszıan-Uıǵyr avtonomııalyq aýdanynda kólik qozǵalysy úshin resmı túrde ashylǵany habarlanǵan.
Aıta keteıik, Soltústik teńiz arqyly 60 tonnalyq úlken beton tonnel bóligi tirkeýge alynǵanyn jazdyq.
