Qytaıda 1 mln-nan astam qarııaǵa kútim jasaýǵa arnalǵan vaýcher berildi
ASTANA. KAZINFORM — Qytaıda ózine ózi qaraı almaıtyn 1 mıllıonnan astam qart adamǵa memleket kómektesip jatyr, dep habarlaıdy Sınhýa.
Qytaıda ózin-ózi kútý qabiletin ortasha jáne aýyr deńgeıde joǵaltqan qart adamdarǵa kútim kórsetý qyzmetterine arnalǵan tutynýshylyq vaýcherler berý boıynsha memlekettik sýbsıdııa baǵdarlamasy 1,05 mln-nan astam qart adamǵa kómegin tıgizip otyr.
Bul týraly seısenbi kúni QHR Azamattyq ister mınıstrligi habarlady.
Vedomstvo málimetinshe, 2026 jylǵy 1 qańtarda bastalǵan baǵdarlama aıasynda el boıynsha 3 mln-nan astam tutynýshylyq vaýcher ótelip, olardyń jalpy somasy 2,35 mlrd ıýandy (shamamen 341 mln AQSh dollary) qurady. Bul óz kezeginde tıisti qyzmetterdi tutyný kóleminiń 11,5 mlrd ıýanǵa ósýine yqpal etti.
Sýbsıdııalar aı saıyn elektrondy kýpondar túrinde beriledi. Olardy úıde kórsetiletin túrli medıtsınalyq jáne turmystyq qyzmetterge tóleý úshin paıdalanýǵa bolady. Atap aıtqanda, tamaqtanýǵa kómektesý, qozǵalýyna járdemdesý, gıgıenalyq kútim, úı jınaý, shuǵyl jáne medıtsınalyq kómek kórsetý, sondaı-aq ońaltý kútimi men kúndizgi qaraý qyzmetteri kiredi.
Mınıstrlik baǵdarlamany keńeıtý maqsatynda rásimderdi jeńildetip, qyzmet kórsetý sapasyn arttyryp, onyń júzege asyrylýyn baqylaýdy kúsheıtetinin málimdedi. Bul óz kezeginde kóp qart adamdardyń reformalar men damýdyń ıgiligin kórýine múmkindik beredi.
Buǵan deıin 2024 jyldan bastap Qytaıda zań talaptaryn saqtamaıtyn 5 600-den astam qarjy uıymy jabylǵanyn jazǵan bolatynbyz.
