Qytaıda 1 mıllıon tonna qory bar Azııadaǵy eń iri lıtıı ken orny ashyldy

Qytaıdyń ońtústik-batysyndaǵy Sychýan provıntsııasynda 1 mıllıon tonna ken qory bar Azııadaǵy eń iri lıtıı ken orny ashyldy. Bul týraly Sınhýa agenttigi Qytaı Halyq Respýblıkasynyń Tabıǵı resýrstar mınıstrligine silteme jasap habarlady, dep habarlaıdy Kazinform tilshisi.

"Bul Azııadaǵy pegmatıt tıpti lıtıı rýdasynyń monomıneraldy fraktsııalarynyń eń iri ken orny", - delingen mınıstrlik habarlamasynda.

Tıisti vedomstvo lıtıı rýdasyn jetkizýdi ulǵaıtyp, metaldy óndirý naryǵyn damytýdy kózdep otyr.

Lıtıı «XXI ǵasyrdyń jańa energetıkalyq metaly» retinde elektr kólikterin, lıtıı-ıondy akkýmýlıatorlardy jáne kún batareıalaryn óndirý úshin mańyzdy materıal sanalady.

Qytaıdan basqa lıtıı keniniń aıtarlyqtaı qory Argentına, Bolıvııa, Chılı, Aýstralııa jáne AQSh-ta tabyldy.