Qytaı zymyrannyń birinshi satysyn alǵash ret sátti qaıtardy
ASTANA.KAZINFORM - Búgin Qytaı tarıhta alǵash ret «Chanchjen-10B» zymyran tasymaldaǵyshynyń birinshi satysyn Jerge sátti qaıtardy, dep habarlaıdy Sınhýa.
«Chanchjen-10B» zymyran tasymaldaǵyshy osy juma kúni eldiń ońtústigindegi Haınan provıntsııasyndaǵy Venchan spýtnıktik ushyrý ortalyǵynan ushyryldy. Alǵashqy ushý kezinde zymyran tasymaldaǵysh júktemesin belgilengen orbıtaǵa ornalastyrdy.
Ekinshi satydan bólingennen keıin zymyrannyń birinshi satysy Jerge oralyp, tormen ustap alý júıesi arqyly teńiz platformasynda «ustaldy». Birinshi satydaǵy ushyrý jáne qalpyna keltirý operatsııalary sátti ótti.
Bul mıssııa Qytaıdyń ǵaryshqa ushý tarıhyndaǵy birinshi satynyń alǵashqy sátti oralýy jáne el úshin qaıta paıdalanýǵa bolatyn zymyran tehnologııasyndaǵy úlken jetistik boldy.
Aıta keteıik, Chanchjen-10B – qaıta paıdalanýǵa bolatyn kommertsııalyq suıyq otynmen jumys isteıtin zymyran tasymaldaǵysh. Onyń uzyndyǵy shamamen 63 metr, dıametri 5 metr, ushý kúshi shamamen 890 tonna, al ushý salmaǵy shamamen 760 tonna. Qaıta paıdalanýǵa bolatyn konfıgýratsııasynda ol Jerdiń tómengi orbıtasyna 16 tonna júk jetkize alady.
Buǵan deıin Qytaı strategııalyq zymyrandy sýasty qaıyǵynan synaqtan ótkizdi.
