Qytaı JI-men jabdyqtalǵan uzaq qashyqtyqqa ushatyn apparat shyǵardy

ASTANA. KAZINFORM – Qytaıdyń jasandy ıntellektimen jabdyqtalǵan jańa Rainbow-9 (Tsaıhýn-9) sońǵy ushqyshsyz basqarylatyn apparaty 10 myń shaqyrymnan astam qashyqtyqty baǵyndyra alady, dep habarlaıdy TASS aqparat agenttigi. 

South China Morning Post (SCMP) gazetiniń málimetinshe, memlekettik CCTV telearnasy Shensı provıntsııasyndaǵy aerodromda ushý synaqtary kezinde Rainbow 9 túsirilimin kórsetti. Apparat 20 saǵattan astam ýaqyt ushty.

Áskerı sarapshy Sýn Chjýnpın basylymǵa Rainbow 9 apparatyna JI júıelerin ornatý onyń áskerı tıimdiligin aıtarlyqtaı arttyratynyn habarlady.

Onyń atap ótýinshe, Rainbow-9 bir ýaqytta birneshe ushqyshsyz apparatty basqara alady. Budan bólek, qurylǵy basqarylatyn jaýyngerlik ushaqtarmen birge jumys isteýge qabiletti.

- Rainbow-9 sııaqty ushqyshsyz ushatyn apparattardyń basqarylatyn joıǵyshtarmen qatar jumys isteýi qalypty jaǵdaı, - dep qosyp ótti sarapshy.

Apparat 0,5-ten 0,75 Mah-qa deıingi jyldamdyqpen usha otyryp áýede 40 saǵatqa deıin bola alady. Bul oǵan 10 myń shaqyrymnan astam qashyqtyqty eńserýge múmkindik beredi. SCMP atap ótkendeı, Qytaı aeroǵaryshtyq ǵylymı-tehnıkalyq korporatsııasy (CASC) ázirlegen Rainbow-9 «toptamadaǵy eń ozyq ushqyshsyz basqarylatyn apparat». Onyń qanatynyń uzyndyǵy 24,8 metr, bul 10 myń metrden joǵary bıiktikte uzaq merzimdi mıssııalar ótkizý úshin jetkilikti kótergish kúshin qamtamasyz etedi.

Úkimette Qazaqstan men Qytaıdyń kólik baılanystaryn damytý jobasy talqylandy.