Qytaı Jerdi baqylaý úshin jańa spýtnıkterdi ushyrdy
ASTANA. KAZINFORM — Qytaı tabıǵı resýrstardy zertteýge, aýyl sharýashylyǵy daqyldarynyń ónimdiligin baǵalaýǵa jáne tabıǵı apattardyń aldyn alýǵa arnalǵan Jerdi qashyqtan zondtaıtyn eki top spýtnıkti ǵaryshqa sátti jiberdi, dep habarlaıdy Kazinform Sınhýa agenttigine silteme jasap.
«ıAogan-53» (Yaogan-53) tobynyń 07-09-spýtnıkteri jáne «ıAogan-56» (Yaogan-56) tobynyń 19-21-spýtnıkteri Astana ýaqytymen saǵat 06:25-te (Beıjiń ýaqytymen 03:25-te) «Chanchjen-4B» (Long March-4B) zymyran tasyǵyshymen ushyrylyp, josparlanǵan orbıtalaryna sátti shyqty.
Atalǵan spýtnıkter negizinen ǵylymı eksperımentter júrgizýge, jer men tabıǵı resýrstardy zertteýge, aýyl sharýashylyǵy daqyldarynyń ónimdiligin baǵalaýǵa, sondaı-aq tabıǵı apattardyń aldyn alýǵa jáne olardyń zardaptaryn azaıtýǵa arnalǵan.
Bul «Chanchjen» («Uly joryq») serııaly zymyran tasyǵyshtarynyń kómegimen júzege asyrylǵan 673-ǵaryshtyq mıssııa boldy.
Buǵan deıin Reseı jáne Qytaı Marsty birlesip zertteıtini habarlanǵan bolatyn.
