Qytaı jekelegen óńirlerde 6G tehnologııalaryn synaqtan ótkizýdi bastady
ASTANA. KAZINFORM — Pekın 6 GGts jıilik dıapazonynda 6G mobıldi baılanys tehnologııalaryn damytýǵa arnalǵan synaq spektrin bekitti, dep habarlaıdy Sınhýa.
Bul ruqsat IMT-2030 tehnologııalaryn ilgeriletý tobyna berildi. Ol topqa 6G tehnologııalaryn eldiń jekelegen óńirlerinde synaqtan ótkizý quqyǵy qarastyrylǵan. Bul qadam 6G úshin Halyqaralyq elektr baılanysy odaǵy belgilegen negizgi stsenarııler men ónimdilik kórsetkishteri negizinde tehnologııany zertteý, synaqtan ótkizý jáne rastaý jumystaryn damytýǵa baǵyttalǵan.
Qytaı ónerkásip jáne aqparattandyrý mınıstrliginiń málimetinshe, bul jıiliktiń bekitilýi eldegi ǵylymı-zertteý jáne tájirıbelik-konstrýktorlyq jumystardy (ǴZTKJ) jedeldetýge yqpal etedi. Sonymen qatar 6G tehnologııalaryn standarttaý men ónerkásipke engizý úderisin kúsheıtip, Qytaıdaǵy 6G sektorynyń sapaly damýyna serpin beredi.
Buǵan deıin Qytaı ınternet baılanysyn damytý maqsatynda tájirıbelik spýtnıkti orbıtaǵa shyǵarǵany týraly habarlanǵan bolatyn.
Aıta ketelik Qytaıda tamyz aıynda halyqaralyq Big Data ındýstrııasy kórmesi ótedi.
