Qytaı Japonııanyń áskerı qadamdaryn synǵa aldy
ASTANA. KAZINFORM – Qytaı Qorǵanys mınıstrligi Japonııanyń áskerı belsendiligine qatysty alańdaýshylyq bildirdi, dep habarlaıdy Sınhýa.
Qytaı Qorǵanys mınıstrliginiń resmı ókili Chjan Sıaogan Japonııanyń qarsylas bazalaryna soqqy jasaýǵa qabiletti alys qashyqtyqtaǵy zymyrandardy ornalastyrý týraly málimdemesine pikir bildirdi.
«Japonııanyń baqylaýsyz ári qaýipti túrde údep bara jatqan remılıtarızatsııasy onyń patsıfıstik Konstıtýtsııasy men tek qorǵanysqa baǵyttalǵan qaǵıdattaryn tolyqtaı buzý bolyp tabylady», – dedi ol.
Onyń aıtýynsha, Japonııada neomılıtarızmniń taralýy naqty qaýipke aınalyp otyr.
«Eger ashýly jolbarys tordan bosap shyqsa, ol aınalasyna mindetti túrde zııan keltiredi ári japon halqyn da aýyr zardaptarǵa uryndyrady», – dedi Chjan Sıaogan.
Sondaı-aq ol halyqaralyq qaýymdastyqty bul jaǵdaıǵa muqııat bolýǵa shaqyrdy.
Qytaı ókiliniń aıtýynsha, eldiń qarýly kúshteri kez kelgen qaýip pen arandatýshylyqqa qarsy turýǵa daıyn.
«Biz agressorlardy aýyr jaýapqa tartýǵa jáne Qytaıdyń egemendigi men qaýipsizdigin qorǵaýǵa qabilettimiz», – dep málimdedi ol.
Aıta keteıik, Qytaı da Qarýly kúshterdegi saıası tártip pen oqytýdy kúsheıtpek.