Qytaı Japonııa saıasatkerleriniń ıAsýkýnı ǵıbadathanasyna barýyn qatań aıyptady
ASTANA. KAZINFORM – Qytaı tarapy Japonııa saıasatkerleriniń ıAsýkýnı ǵıbadathanasyna baılanysty áreketterine qatań narazylyq bildirdi, dep habarlaıdy Sınhýa.
Qytaı Syrtqy ister mınıstrliginiń resmı ókili Lın Tszıan bul másele boıynsha vedomstvolyq brıfıngte málimdeme jasady.
Onyń aıtýynsha, Japonııa parlamentiniń 166 depýtaty men jergilikti zań shyǵarýshy organdar ókilderiniń ıAsýkýnı ǵıbadathanasyna barýy tarıhı ádilettilikke qaıshy keledi.
– ıAsýkýnı ǵıbadathanasy – japon mılıtarısteriniń basqynshylyq soǵysynyń sımvoly ári rýhanı quraly. Іs júzinde bul – áskerı qylmyskerlerge arnalǵan oryn, – dedi Lın Tszıan.
Qytaı tarapy mundaı áreketter Ekinshi dúnıejúzilik soǵys qorytyndylaryna jáne soǵystan keıingi halyqaralyq tártipke qarsy baǵyttalǵanyn atap ótti.
Sonymen qatar bıyl 3 mamyrda Tokıo sot protsesiniń bastalǵanyna 80 jyl tolatyny eske salyndy. Qytaı dıplomatynyń aıtýynsha, sol kezeńde halyqaralyq qaýymdastyq Japonııanyń áskerı qylmystaryna quqyqtyq baǵa bergen.
– Keıbir japon saıasatkerleri ótkendi moıyndaýdyń ornyna, qatelikterdi aqtaýǵa tyrysyp otyr, – dep málimdedi ol.
Qytaı ókili halyqaralyq qaýymdastyqty aımaqtaǵy qaýip-qaterlerge sergek bolýǵa shaqyrdy.
Aıta keteıik, buǵan deıin Qytaı Japonııanyń áskerı qadamdaryn synǵa alǵan bolatyn.
