Qytaı janarmaı men dızel otynynyń baǵasyn tómendetti
ASTANA. KAZINFORM — Álemdik munaı baǵasynyń ózgeristerine baılanysty beısenbiden bastap Qytaıda janarmaı men dızel otynynyń bólshek saýda baǵasy tómendeıdi. Bul týraly sársenbide Qytaı Halyq Respýblıkasynyń Memlekettik damý jáne reforma komıteti habarlady.
«Janarmaı men dızel otynynyń quny sáıkesinshe tonnasyna 235 ıýanǵa (shamamen 33 dollar) jáne 225 ıýanǵa tómendeıdi», - dep habarlaıdy Sınhýa agenttigi memlekettik damý jáne reforma komıtetine silteme jasap.
Eldegi qoldanystaǵy baǵa belgileý mehanızmine sáıkes munaı ónimderiniń baǵasy shıki munaıǵa álemdik baǵanyń ózgerýin eskere otyryp túzetiledi.
Komıtet Qytaıdyń úsh jetekshi munaı kompanııalarynan — China National Petroleum Corporation, China Petrochemical Corporation jáne China National Offshore Oil Corporation jáne basqa da munaı óńdeý kásiporyndarynan naryqtaǵy usynystyń turaqtylyǵyn qamtamasyz etý úshin munaı ónimderin durys óndirý men tasymaldaýdy uıymdastyrýdy talap etti.
