Qytaı Jańa jylǵa oraı estelik monetalaryn shyǵardy
ASTANA. KAZINFORM — 22 jeltoqsanda Qytaıdyń ulttyq banki — Qytaı Halyq banki Jańa jylǵa qatysty 2026 jylǵy estelik monetalaryn resmı túrde shyǵarǵanyn habarlady.
Sınhýa agenttiginiń málimetinshe, bul jolǵy shyǵarylymǵa estelik banknot jáne estelik monetalar kiredi: 1 banknot, 1 qos tústi mys qorytpasynan jasalǵan moneta, 1 altyn moneta jáne 1 kúmis moneta.
Banknottyń nomınaly — 20 ıýan. Aldyńǵy betindegi negizgi sýret — jylqy beınesi, al artqy betinde bı bılep turǵan balalar men kıiz úı beınelengen.
Banknotta mońǵol, tıbet, uıǵyr jáne chjýan ulttarynyń tórt túrli jazýy basylǵan. Bul banknot plastık materıaldan jasalǵan, shyǵarylym sany — 100 mıllıon dana.
Sonymen qatar, Qytaı altyn jáne kúmis estelik monetalaryn shyǵardy. Monetalar dóńgelek jáne romb tárizdi bolyp keledi, materıaly — qos tústi mys qorytpasy, altyn jáne kúmis. Aldyńǵy betinde Qytaıdyń dástúrli sáttilik órnekteriniń úılesimi beınelengen, sondaı-aq el ataýy jazylǵan.
Bul estelik monetalar men banknottardy Qytaıdyń negizgi ekinshi deńgeıli bankterinen satyp alýǵa bolady, olardyń barlyǵy Qytaıdyń zańdy tólem quraly sanalady.
Budan buryn Qytaı azamattardyń nesıe tarıhyn qalpyna keltirý baǵdarlamasyn iske qosqanyn jazǵanbyz.