Qytaı jańa top ınternet-spýtnıkterin ushyrdy

Qytaıdyń jańa tómen orbıtaly spýtnıkter toby sársenbi kúni Ońtústik Qytaıdaǵy Haınan provıntsııasyndaǵy Venchan ǵarysh aılaǵynan sátti ushyryldy, dep habarlaıdy Sınhýa. 

Bul – osyndaı sıpattaǵy segizinshi top. Ushyrý Beıjiń ýaqytymen 14:43-te (Astana ýaqytymen 11:43) «Chanchjen-5B» (Long March-5B) zymyran-tasyǵyshy jáne «ıÝanchjen-2» (Expedition-2) joǵarǵy satysynyń kómegimen júzege asyryldy. Júıe spýtnıktik ınternet qyzmetin kórsetýge paıdalanylatyn bolady.

Ǵarysh apparattary berilgen orbıtalarǵa sátti jetti.

«Chanchjen» serııaly zymyran-tasyǵyshtary úshin bul – 588-shi ushyrylym.

Eske sala keteıik, Qytaıda bolashaqtyń ǵarysh aýrýhanasyn qurý josparlanyp otyr. Joba ǵaryshkerlerdiń densaýlyǵyn jaqsartýǵa, aǵzanyń jaǵdaıyn baqylaý múmkindikterin keńeıtýge jáne orbıtada ómir súrýdi qamtamasyz etýge baǵyttalǵan. 

Aıta ketelik Japonııa men EO spýtnıktik júıe men qorǵanys yntymaqtastyǵyn damytpaq.