Qytaı jańa spýtnık tobyn sátti ushyrdy

  ASTANA.KAZINFORM - Qytaı jerserikteriniń jańa partııasy «Chanchjen-6» zymyran tasymaldaǵyshynyń kómegimen belgilengen orbıtaǵa sátti shyǵaryldy. Bul týraly Qytaıdyń ortalyq telearnasyna silteme jasap Kazinform tilshisi habarlaıdy.

Spýtnık beısenbi kúni Qytaıdyń soltústigindegi Taııýan spýtnıktik ortalyǵynan ushyryldy.

Bul Chanchjen serııaly zymyran tasymaldaǵyshy úshin 550-shi reıs boldy.

Esterińizge sala keteıik, qazan aıynda Qytaı bortynda úsh astronavty bar «Shenchjoý-19» ǵarysh kemesin ushyrdy.

Qarasha aıynda  «Tıanchjoý 8» júk kemesin Tıangýn ǵarysh stantsııasyna ushyrdy. Buǵan deıin Qytaı ǵarysh ǵylymyn damytýdyń ulttyq orta jáne uzaq merzimdi baǵdarlamasyn usynǵan bolatyn. Sonymen qatar 2031 jyly Mars topyraǵynyń úlgilerin alýdy josparlap otyr.