Qytaı Sanae Takaıtıdiń málimdemesinen soń Japonııaǵa qarsy qysymdy kúsheıtti
ASTANA. KAZINFORM – Qytaı Senkaký araldaryna jaǵalaý kúzetiniń kemelerin jiberdi, dep habarlaıdy Bild basylymy.
Atalǵan oqıǵa japon-qytaı qarym-qatynasyndaǵy shıelenisti kúsheıtti.
Shıelenis Japonııa premer-mınıstri Sanae Takaıchıdiń Qytaıdyń Taıvanǵa shabýyly jaǵdaıynda áskerı jaýap qaıtarý múmkindigin moıyndaǵan málimdemelerinen keıin boldy. Bul sózder Beıjińniń qatal reaktsııasyn týdyrdy, ol azamattardy Japonııaǵa barýdan bas tartýǵa shaqyrdy.
Sonymen qatar Taıvan Qorǵanys mınıstrligi keıingi 24 saǵatta Qytaıdyń 30 áskerı ushaǵy onyń áýe keńistigine jáne 7 kemeniń jaǵalaý sýlaryna kirgenin habarlady. Aral bıligi muny Qytaıdyń úzdiksiz qysymy dep atady.
Eske salsaq, budan buryn Qytaıda bıyl ǵana paıdalanýǵa berilgen alyp kópir opyrylyp túskenin jazǵan edik.
