Qytaı ıadrolyq emes sýtek zarıadyn synaqtan ótkizdi

ASTANA. KAZINFORM –  Qytaılyq zertteýshiler quramynda eshqandaı ıadrolyq materıal qoldanylmaıtyn, sýtek negizindegi jarylǵysh qurylǵyny synaqtan ótkizdi. South China Morning Post (SCMP) gazetiniń habarlaýynsha, «baqylanatyn dalalyq synaqtar barysynda» «joıqyn hımııalyq tizbekti reaktsııany» iske qosý múmkin bolǵan. Bul týraly TASS habarlady. 

Basylym málimetinshe, bul qurylǵyny Qytaıdyń Memlekettik keme jasaý korporatsııasyna (CSSC) qarasty 705-ǵylymı-zertteý ınstıtýty ázirlegen. Mundaı bombalarda magnıı gıdrıdi atty hımııalyq qosylys qoldanylady. Salmaǵy eki keli bolatyn qurylǵyny synaý kezinde Tselsıı shkalasy boıynsha myń gradýstan asatyn jalyndy shar paıda bolǵan.

— Kádimgi jarylǵysh zattarmen iske qosylǵan kezde magnıı gıdrıdi jyldam termııalyq ydyraýǵa ushyrap, sýtek gazyn bóledi, al ol óz kezeginde tutanyp ketedi, — dep jazady gazet jobany basqarǵan CSSC ǵylymı qyzmetkeri Van Sıýefenniń sózderine silteme jasap. 

Qurylǵy avtorlarynyń pikirinshe, «mundaı kombınatsııa jarylystyń qýatyn dál baqylaýǵa múmkindik beredi jáne keń aýmaqqa birkelki soqqy berýdi ońaı júzege asyrady».

SCMP basylymy atap ótkendeı, Qytaıdyń Halyq-azattyq armııasy bul qarýdy qoldanýdy josparlap otyr ma, joq pa  ázirge belgisiz. 

Aıta ketelik Qytaı AQSh-tan suıytylǵan tabıǵı gaz satyp alýdy toqtatty.