Qytaı túnde týrıstik oryndardy kúzetý úshin robottardy paıdalanyp jatyr
ASTANA. KAZINFORM – Qytaıdyń Sychýan provıntsııasynyń Chendý qalasyndaǵy áıgili týrıstik attraktsıony «Kýanjaı alleıasy» 2024 jyldyń 30 qazanynan bastap túngi kúzet jumystaryn robottarǵa tapsyrdy.
Qytaılyq sina.com aqparat quralynyń habarlaýynsha, Qytaıda qoldanylatyn qaýipsizdik roboty - bul el ózi zerttep, óndirgen tórt aıaqty robot. Robot «lıngtong» dep atalady. Esiminiń maǵynasy – «dana kóz».
Qytaılyq ınjenerler robotqa naqty ýaqyt rejıminde derekterdi basqarý ortalyǵyna jiberip, qalyptan tys jaǵdaılarǵa jyldam áreket ete alatyn lıdar men temperatýra sensorlaryn ornatqan.
Robottyń mindeti – túngi qaýipsizdikti qadaǵalaý, qoǵamdyq tártipti qamtamasyz etý jáne órttiń aldyn alý.
Chendý úkimetiniń josparyna sáıkes, 2026 jylǵa qaraı qala Qytaıdyń robot ónerkásibin damytý ortalyǵyna aınalady jáne kúndelikti ómirde qoldanýǵa bolatyn robot ónimderiniń kem degende 100 túrin shyǵarady.
Sonymen qatar, jasandy ıntellekt tehnologııasyn keńinen qoldaný arqyly robot ındýstrııasy jańartylyp, robot ónimderin kommertsııalandyrý múmkindigi keńeıedi.
