Qytaı «Tszelýn-3» kommertsııalyq zymyran-tasyǵyshy arqyly teńizden 7 spýtnık ushyrdy

ASTANA. KAZINFORM — Qytaı beısenbi kúni teńizden «Tszelýn-3» /Smart Dragon-3, SD-3/ zymyran-tasyǵyshyn sátti ushyryp, jeti spýtnıkti, sonyń ishinde Pákistannyń PRSC-EO2 spýtnıgin orbıtaǵa shyǵardy.

Ushyrýdy Beıjiń ýaqyty boıynsha 14:37-de Gýandýn provıntsııasynyń (Ońtústik Qytaı) ıAntszıan qalasy jaǵalaýyndaǵy teńiz akvatorııasynan Taııýan ǵarysh aılaǵy mamandarynyń komandasy júzege asyrdy.

Atalǵan ushyrylym Qytaı men Pákistan arasyndaǵy ǵarysh salasyndaǵy yntymaqtastyqtyń mańyzdy jetistigi boldy. PRSC-EO2 spýtnıgi joǵary ajyratymdylyqtaǵy optıkalyq quraldarmen jabdyqtalǵan. Ol jınaǵan qashyqtan zondtaý derekteri Pákistanda jer kartografııasy, qorshaǵan ortany jáne tabıǵı apattardy monıtorıngileý, tabıǵı resýrstardy qorǵaý sııaqty salalarda qoldanylmaq.

Bul — bortynda birneshe spýtnıgi bar «Tszelýn-3» zymyran-tasyǵyshynyń kommertsııalyq maqsattaǵy tórtinshi ushyrylymy. Atalǵan modeldiń paıdaly júktemege beıimdelgishtigi, qoldaný aıasynyń keńdigi jáne kommertsııalyq qyzmet kórsetý múmkindikteri turǵysynan negizgi artyqshylyqtaryn kórsetedi.

Eske sala ketsek, jýyrda Qytaıdyń 6 dóńgelekti kóligi Antarktıkada 10 myń shaqyrymnan astam jol júrip ótti.

Sondaı-aq Qytaıdyń gıbrıdti júk tasıtyn dron ushaǵy alǵash ret áýege kóterildi.