Qytaı tóraǵasynyń orynbasary AQSh-ta Ilon Maskpen kezdesti
BEIJІŃ. KAZINFORM – Tesla kompanııasy AQSh-Qytaı ekonomıkalyq jáne saýda yntymaqtastyǵyn damytýda oń ról atqarýǵa daıyn, dep habarlaıdy Kazinform-nyń menshikti tilshisi.
Bul týraly Vashıngtonda (AQSh) QHR tóraǵasynyń orynbasary Han Chjen men Tesla bas dırektory Ilon Masktyń kezdesýinen keıin Qytaı SІM málimdemesinde aıtyldy.
— Tesla Qytaımen ınvestıtsııa men yntymaqtastyqty tereńdetýge, sondaı-aq AQSh-Qytaı ekonomıkalyq jáne saýda yntymaqtastyǵyn damytýda oń ról atqarýǵa daıyn, - dep keltirdi Qytaı Syrtqy ister mınıstrligi Ilon Masktyń sózin.
Eske sala ketsek, 2019 jyly Shanhaıda Tesla zaýyty ashylǵan bolatyn. 2025 jyldyń birinshi toqsanynda qytaılyq megapolıstegi amerıkalyq Tesla óndirýshisiniń gıgafabrıkasynda Megapack energııa saqtaý batareıalarynyń jappaı óndirisi bastalady dep kútilip otyr.
Qytaı Syrtqy ister mınıstrligi taratqan málimdemede atap ótilgendeı, QHR tóraǵasynyń orynbasary Han Chjen 19 qańtarda Vashıngtonda AQSh-tyń isker toptarynyń, sonyń ishinde AQSh-Qytaı iskerlik keńesi jáne AQSh Saýda palatasynyń ókilderimen de kezdesýler ótkizgen.
Saıasatker amerıkalyq kompanııalar Qytaıǵa ınvestıtsııa salýdy jalǵastyryp, eki tarap arasyndaǵy kópir rólin belsendi túrde atqaryp, Qytaı men AQSh qarym-qatynasynyń turaqty, salaýatty damýyna kóbirek úles qosatynyna senim bildirdi.
Buǵan deıin Qytaı tóraǵasynyń orynbasary Donald Tramptyń AQSh-taǵy ınaýgýratsııasyna qatysatynyn jazǵan bolatynbyz.