Qytaı tómen orbıtaly ınternet-spýtnıkteriniń jańa tobyn ǵaryshqa ushyrdy
ASTANA. KAZINFORM — Qytaıdyń bortyna ınternet-spýtnıkter tobyn tıegen «Chanchjen-12» («Uly joryq-12») zymyran-tasyǵyshy dúısenbi kúni Qytaıdyń ońtústigindegi Haınan provıntsııasynda ornalasqan kommertsııalyq ǵarysh aılaǵynan sátti ushyryldy, dep habarlaıdy Sınhýa agenttigi.
Zymyran Beıjiń ýaqytymen saǵat 15:48-de kókke kóterildi. Ǵarysh apparaty tómen orbıtaly ınternet-spýtnıkterdiń 19-tobyn josparlanǵan orbıtaǵa sátti shyǵardy.
Eske sala ketsek, Qytaı 15 qańtar kúni 2026 jylǵy ǵaryshtyq mıssııasyn jerdi qashyqtan baqylaý spýtnıgin ushyrýmen bastaǵanyn jazdyq.
Ol kezde eldiń soltústigindegi Shansı provıntsııasynda ornalasqan Taııýan ǵarysh aılaǵynan jerdi qashyqtan baqylaýǵa arnalǵan «ıAogan-50 01» spýtnıgi ǵaryshqa ushyrylǵan edi.
Al 13 qańtar kúni Qytaıdyń CAS Space kommertsııalyq aeroǵarysh kompanııasy sýborbıtaldy «Lıhýn-1 Y1» apparatynyń synaq rejımindegi ushyrylymyn sátti oryndady.